Mir si fir e staarkt Handwierk
Dofir d'Opwäertung vun den Diplomer aus dem Handwierk
Mir si fir e staarkt Handwierk
Dofir d'Opwäertung vun den Diplomer aus dem Handwierk
Neiegkeeten
Mir si fir e staarkt Handwierk
Dofir d'Opwäertung vun den Diplomer aus dem Handwierk
Ëmmer um Lafende bléiwen
03.05.2024
AMELUX war haut beim Minister vun der Fonction Publique.
AMELUX war haut beim Minister vun der Fonction Publique.
Follgend Themen si beschwat ginn:
- D'Meeschteren an der Fonction publique
- d'Sécherheet
- d'Carrière ouverte
- d'Iwwerstonnen
- d'Handwierk
De Minister Serge Wilmes huet virun dem Handwierk an de Meeschtere vill Respekt. Hien huet betount wéi wichteg d'Handwierker sinn. An eisen Aen e Minister den zum Handwierk steet!
Et war e gudden Echange! Merci Här Minister
Mir haten den 26.01.2024 eng Entrevue mam Ministère de l'éducation
Den 22.01.2024 haten den OGBL an AMELUX eng Entrevue mam Minister vun der Fonction publique Serge Wilmes. Zesummen si mer op de Koalitiounsaccord agaangen a konnten eng konstruktiv an angeneem Entrevue zu dësem Sujet féieren. Mir hunn de Minister awer och op déi 15 Punkten ugeschwat wou hien eis follgend erkläert huet: D’Fonction publique (de Minister) géif esou séier wéi hien d’ Demanden fir déi 15 Punkten kritt se och ënnerschreiwen an da ginn se ausbezuelt. Et kann also duerch aus sinn dat Kolleegen se éischter hu well déi Demande dann éischter vun der Educatioun weider geschéckt ginn ass. Maacht iech keng Suergen dir kritt déi réckwierkend ausbezuelt. Eng weider Entrevue ass vun eiser Säit geplangt wou mer zesummen op verschidden detailléiert Sujete wäerten agoe wei beispillsweis de Meeschter, geleeschten Iwwerstonnen oder ebe Carrière ouverte.
AMELUX wënscht all senge Membere matt hirer Famill schéi Feierdeeg an e gudde Rutsch
Bringt politischer Wechsel Aufwind in die Segel der Ausbildung?
28.11.2023
De Meeschter beim Staat an der Carrière B1
D’Meeschteren an d’Leit mat BTS hunn eng Primm vu 15 Punkten zougesprach kritt. All déi Leit sinn informéiert ginn dat se eng Kopie vun hirem Diplome an der Direktioun vun der jeeweileger Schoul sollen ofginn. AMELUX/OGBL huet mam OGBL zesummen e Fuerderungskatalog erstallt an den un de Formateur Luc Frieden geschéckt (wärend der Regierungsbildung). Eng vun de Fuerderunge war: prévoir que la nouvelle prime de 10 respectivement 15 points est automatiquement versé aux détenteurs d’un BTS ou d’un brevet de maîtrise de la carrière B1 qui sont en droit de la recevoir, sans prévoir des démarches administratives supplémentaires.
Dozou sti mir als AMELUX/OGBL an den OGBL
Table ronde
OGBL
13.09.2023
Op der Table ronde vum OGBL waren d'Parteien DP, Déi Lenk, LSAP, KPL, Déi Gréng, Fokus, Piraten an CSV present fir iwwer verschidden Themen hier Positioun ze erklären, ënnert anerem och iwwert d'Aarbeschtszäit. No der Table ronde hu mir nach mat deenen verschidden Politiker geschwat. Mam Marc Spautz hu mir iwwert d'Handwierk an de Meeschter geschwat, hien ass fir eng Opwäertung vum Handwierk a vum Meeschter
.jpg)
Zesumme STAARK
2023
AMELUX huet sech no laangem zesumme schaffe mam OGBL decidéiert dëser grousser Gewerkschaft béi zertrieden als Ënnergewerkschaft. Doduerch si mir zesumme mam OGBL méi staark, mir kënnen de Membere méi Servicer an Virdeeler ubidden. Also wann dir iech op Amelux/OGBL umellt gitt dir op d’Säit vum OGBL weidergeleet an kënnt iech do umellen.
Dëss Virdeeler sinn:
Der OGBL bietet seinen Mitgliedern Schutz und besondere Leistungen durch:
den kostenlosen Rechtsbeistand in sozialrechtlichen Angelegenheiten
den kostenlosen Rechtsschutz in arbeitsrechtlichen Angelegenheiten nach einer Mitgliedschaft von 12 Monaten
die Unterstützung bei Streik und Aussperrung
die Mitgliedschaft in der OGBL-Sterbekasse (Sterbegeld-Antragsformular in PDF-Format)
die Gewährung einer Hinterbliebenenunterstützung, Max 620 €
die Möglichkeit der Mitgliedschaft bei der CMCM
Vorzugsbedingungen für die Mitgliedschaft in der Luxembourg Air Rescue (L) (Mitgliedsantrag) und dem Centre Médical Héliporté-CMH (B) (mehr)
die Gewährung eines Stipendiums an Eltern deren Kinder studieren (Antragsformular 2022-2023 in PDF-Format) >> English form is available here (pdf)
die kostenlose Freizeitunfallversicherung und günstigere Versicherungsmöglichkeiten bei der Versicherungsgruppe Bâloise Assurances
Vorzugsbedingungen für Ihren «Wüstenrot»-Bausparvertrag
die Möglichkeit zum bevorzugten Abschluss der Krankenversicherungen bei der DKV Luxembourg geschaffen (mehr)
die kostenlose Mitgliedschaft bei der “Patientevertriedung” (Organisation zur Verteidigung von Patienteninteressen) (mehr)
die gratis Zustellung der Monatszeitschrift OGBL-Aktuell
sowie anderer Publikationen
gratis Weiterbildungsangebote (Arbeits- und Sozialrecht sowie Gewerkschaftsangelegenheiten)
Falls dir Froen huet mellt iech einfach bei eis.
Carrière ouverte
One Planet Luxembourg
24.04.2023
AMELUX huet de 24.04.2023 un enger Reunioun vun ONE PLANET deel geholl. Et war e ganz interessanten Austausch iwwer vill Sujeten aus eiser Gesellschaft déi endlech behandelt musse ginn. AMELUX mécht bei ONE PLANET och mat zesummen ass e méi staark!
Chambre de Commerce
24.04.2023
AMELUX hat den 24.04.2023 eng Entrevue mat der Chambre de Commerce, Sujeten déi beschwat gi si waren:
- Beruffsausbildung
- Valorisatioun vun den Diplomer
- Formation adulte
- Wéi kréie mer d’Beruffsausbildung méi attraktiv
Et war eng ganz agreabel an interessant Reunioun, mir soen der Chambre de Commerce villmools Merci
Centre de Compétences Génie Technique du Bâtiment
22.03.2023
Amelux huet de Centre de Compétences um Krakelshaff besicht fir sech e Bild vun der Weiderbildung am Handwierk ze maachen. Et war ganz intressant mam Marc Ant iwwert d'Handwierk an d'Weiderbildung ze diskutéieren. Mir soen dem Marc Ant Merci fir déi flott Visitt.
Technikschoul Déifferdeng
20.03.2023
Amelux hat d'Geleeënheet d'Technikschoul vun Déifferdeng kënnen ze besichen. D'Technikschoul bréngt de Kanner aus der Grondschoul d'Handwierk méi no, wou se iwwert handwierklech Tätegkeeten an Experimenter Mathé, Zuelen, Formen a logescht Denke méi schnell verënnerleche kennen. Mir ware wierklech impressionéiert an dëse Wee misst eigentlech all Gemeng mat der Ënnerstëtzung vum Educatiounsministère goen!
Avis
02.03.2023
Bezüglech der noutwendeger Opwäertung am Handwierk hunn d'AMELUX zesumme mam SEW/OGBL, sou wéi och den OGBL den 02.03.2023 zesummen hier Stellung bezunn
Entrevue Chambre des Salariés
11.01.2023
Den 11.01.2023 haten d'Amelux eng Entrevue mat der CSL fir sech iwwer d'Eckpunkte vun enger Valorisatioun am Handwierk ze ennerhaalen. Et war eng ganz positiv Entrevue
Entrevue mam Ministère de l'éducation nationale de l'Enfance et de la Jeunesse
14.12.2022
Den 14.12.2022 hate mer eng Entrevue mat de Vertrieder vum Ministère an hunn iwwer Valorisatioun vum Handwierk a vum Meeschter geschwat. Äntwert vum Ministère war datt dozou nach keng politesch Decisioun gefall wier. En weidert Treffen an am Februar geplangt
Invité vun der Redaktioun
14.12.022
De 14.12.2022 war eise Präsident um RTL als Invité vun der Redaktioun. Hei ass drop a gaange wou Problemer an der Beruffsausbildung léien an och wat genau misst gemaach gi fir d’Handwierk op ze wäerten. Nëmmen esou kann een erreeche fir dem Manktem am Handwierk entgéint ze wierken.
Communiqué de presse
12.12.2022
Et ass schéin ze gesinn datt der Regierung offält datt d'Handwierk muss valoriséiert ginn, mee dëst ass de falsche Wee fir eng Valeur an d'Handwierk ze bréngen! Just datt en Deel vun der d'Fonction publique 15 Punkte bäi kritt, bréngt keng weider Léit an d'Handwierk!
Communiqué de presse Guy Kayser
05.12.2022
De Guy Kayser trëfft mat sengem Artikel den Nol op de Kapp
Artikel Zeitung vum Lëtzbuerger Vollek
26.11.2022
De 26.11.2022 ass en Artikel eraus komm vum SEW an AMELUX iwwert de Stellewäert vum Handwierk an der Beruffsausbildung.
Interview Radio 100,7
25.11.2022
De 25.11.2022 war de Christian Turk um Radio 100,7 an ass do vum Maurice Molitor iwwert eis Iddien a Vue vun der Beruffsausbildung interviewt ginn
Entrevue déi Gréng
23.11.2022
Mir haten den 23.11.2022 eng Entrevue mat der Partei déi gréng. D'Parteipresidentin Djuna Bernard, Parteipresident Meris Sehovic an de Ben Zenner hunn mat eis iwwer d'Beruffsausbildung an d'Handwierk geschwat. Et ass kloer datt Energietransitioun net ouni gutt Handwierker geet. An déi kritt een nëmme wann d'Diplomer opgewäert ginn. Mir hunn hinnen eis Vue vun der Opwäertung an eise Programm virgestallt. Och wäerte mir ons nach eemol gesinn zu dem wichtegen Thema. Den Austausch war ganz agreabel, mir soen hinnen e grousse Merci.
Entrevue Ministère de l'Energie et de l'Aménagement du territoire
16.11.2022
Mir haten den 16.11.2022 eng Entrevue mam Minister Claude Turmes a senge Beamte mam Thema Handwierk. De Minister gesäit et genau ewéi mir, datt et wichteg ass dat Diplomer am Handwierk valoriséiert solle ginn, well mer soss keng Léit fräiwëlleg an d’Handwierk kréie fir all déi néi Technologien am Handwierk em ze setzen. Et muss zu engem Ëmdenke bei der Regierung a Bevëlkerung kommen. D’Handwierk soll net de leschte Wee sinn! Mir hunn dëst Gespréich appreciéiert a soen dem Här Minister a senge Beamten e grousse Merci!
Communiqué de presse
14.11.2022
Gemeinsamen Communiqué de presse vum SEW/OGBL an AMELUX fir d'Beruffsausbildung ze reforméieren an ze revaloriséieren
Entrevue Lëtzebuerger Sozialistesch Aarbechterpartei (LSAP)
07.11.2022
Mir haten de 07.11.2022 eng Entrevue mat Vertrieder vun der LSAP. Dobäi waren Francine Closener, Tess Burton a Michaela Morrisova. Mir hunn eis iwwert d'Beruffsausbildung ausgetosch an hinnen eis Virstellunge vun enger reforméierter Beruffsausbildung virgedroen. Dës Reform gouf positiv opgeholl fir engem Manktem am Handwierk entgéint ze wierken. Mir hunn hinnen eisen Dossier, den an Zesummenaarbecht mam OGBL a SEW ausgeschafft ginn ass, zou geschéckt. Et ass eng weider Entrevue geplangt.
En Artikel iwwert d'Reform vun der Beruffsausbildung
01.11.2022
En Artikel vun der Pressekonferenz vum OGBL, dem SEW an eis der AMELUX iwwert d'Opwäertung vun der Meeschterprüfung bis hin zu enger néier Beruffsausbildung, déi de jonke besser encadréiert a sengem Parcours.
En Artikel iwwert d'Presskonferenz vum OGBL, SEW an AMELUX
01.11.2022
En Artikel vun der Pressekonferenz vum OGBL, dem SEW an eis der AMELUX iwwert d'Opwäertung vun der Meeschterprüfung bis hin zu enger néier Beruffsausbildung, déi de jonke besser encadréiert a sengem Parcours.
Video vun der Pressekonferenz
27.10.20229
Am folgende Link kënnt der déi komplett Pressekonferenz vun haut dem 27.10.2022 nach eemol a rou nokucken
Artikel zu der Pressekonferenz
27.10.2022
Den 27.10.2022 haten d'Amelux, den OGBL an den SEW eng Pressekonferenz fir hier Haaptlinnen iwwert déi néi Beruffsausbildung ze präsentéieren. Hei ass op Wichtegkeet vum Handwierk an Beruffsausbildung an der Gesellschaft agaangen ginn.
Entrevue Ministère de l’Environnement, du Climat et du Développement durable
11.10.2022
Den 11 Oktober 2022 hat AMELUX eng Entrevue mat der Madamm Minister Joëlle Welfring an de Beamten vum Ministère de l’Environnement. Mir hunn ons iwwer d’Beruffsausbildung, d’Handwierk am Zesummenhang mat den erneierbaren Energien an d’Elektromobilitéit ënnerhalen. Mir hunn drop higewisen, datt mir staark a gutt Leit am Handwierk brauchen. Déi kritt en awer nëmmen dozou beweegt de Wee vum Handwierk anzeschloen wann d’Diplomer och déi richteg Valeur hunn. Ugefaange mam Meeschterbréif, den an de Niveau 6 agestuuft soll ginn. D’Madamm Minister huet groussen Interessi gewisen um Dossier Valorisatioun vum Handwierk, Si ass och drun interesséiert, datt e staark Handwierk all déi nei technologesch Defien ëmsetzen kann. Mir kënnen nëmmen soen, datt d’Madamm Minister an d’Beamten vum Ëmweltministère positiv géigeniwwer onse Proposen stoungen. Och hu mir festgehalen, dem Ministère en Dossier zoukommen ze loossen iwwert d’Beruffsausbildung. Mir soen der Madamm Ëmweltminister nach emol e groussen Merci.
Communiqué de presse
19.09.2022
Mir hunn e Communiqué erausbruecht, wou mer op de Klima-Biergerrot reagéiert hunn a Propose gemaach wat muss geschéie fir déi sëlleg Iddien dovunner emzesetzen.
Presentatioun Klima-Biergerrot
15.09.2022
De 15.09.2022 si Propose vum Klima-Biergerrot fir gestallt gi, ënner anerem an der Presence vum Här Staatsminister Xavier Bettel an der Ëmweltministesch Joëlle Welfring. Dësen huet fest gehalen dat et onerlässeg ass fir an direkter Zukunft d'Handwierk an de Meeschter ze valoriséieren, wat eise Proposen an der vergaangene Wochen zeréck spigelt. Dëst kann een an de Propose 45 a 46 am folgenden Dokument erëm fannen.
Entrevue Syndikat fir Erzéiung an Wëssenschaft am OGBL (SEW)
14.09.2022
Mir haten de 14.09.2022 eng Entrevue mat enger Delegatioun vum SEW. De Sujet war d'Beruffsausbildung an d'Valorisatioun vun den Diplomer. Mir hunn eis Iddien an Interessien ausgetosch a wäerten eis Zäitno nach eemol gesi fir eis Zesummenaarbecht ze plangen.
Entrevue Demokratesch Partei
02.08.2022
Mir haten den 02.08.2022 eng Entrevue mat der Delegatioun vun der DP an hunn eis Iddi’en fir d’Valorisatioun vum Meeschter an och d'Neiopstellung vun der Beruffsausbildung fir geluecht. Dëst gouf ganz positiv opgeholl an hunn en néien Datum am Hierscht fir eng Entrevue vir gesinn.
Bréiw un den Ministère de l'éducation nationale
21.06.2022
Den 19.04.2022 haten mir eng Entrevue mam Ministère de l'éducation, ënner anerem mam Alex Folscheid, Véronique Schaber, Tom Muller an Romain Nehs. Leider war den Minister Claude Meisch net perséinlech an dëser Entrevue present an sou gouf fest gehalen datt mer an Punkto Valorisatioun vun der Meeschterprüfung géifen "en courant" gehalen gi. Den 21.06.2022 hunn mir en weideren Bréif un den Ministère de l'éducation nationale geschéckt an nogefrot wou dësen extrem wichtegen Dossier am Moment drun ass. Mir sinn gudder Gedanken datt mir do schnellst méiglech eng konstruktiv Äntwert säitens dem Ministère kréien.
En groussen MERCI
01.07.2022
Mir als AMELUX soe jidderengem e grousse Merci fir d’ Ënnerstëtzung zu der Petitioun 2300. Leider hu mir de Score vu 4500 Ënnerschrëften net zesumme kritt. Et muss en awer soen et sinn awer 3000 Stëmmen an dat ass net näischt! Mir si voll motivéiert fir de Stellewäert vun den Diplomer am Handwierk opzewäerten, a maachen natierlech weider. Mir sinn natierlech frou fir all Ënnerstëtzung egal a wéineger Form. Op eisem Internetsite www.amelux.lu fannt dir och eis News an all eis Aktiounen. Wann dir Froen, Iddien, Propositiounen huet, dann zeckt net a kommt op eis zou. Nëmmen zesummen ass ee staark!
Entrevue Ministère du Travail
30.06.2022
Mir haten den 30.06.2022 eng Entrevue mam Aarbechtsministère. Mir hunn iwwer d'Opwäertung vum Handwierk diskutéiert. Och hunn mir eis Iddien zu der Opwäertung vum Handwierk virgedroen.
Communiqué de presse AMELUX
24.06.2022
Fir laangfristeg Ännerungen am Handwierk ze erreeche bréngt et näischt, wéi vun de verschidden Organer, fir ëmmer just Campagnen ze starten, mee et muss sech grondleeënd eppes un der Struktur änneren, datt et nees Freed mécht en Handwierk ze léieren.
Entrevue OGBL
14.06.2022
De 14.06.2022 hate mer eng Entrevue mam OGBL, de souwuel op Aenhéicht stattfonnt huet souwéi och inhaltlech no beienee war. Den OGBL huet grousse Versteesdemech fir eis Fuerderungen. Mir freeën eis op weider Schrëtt zesummen. Zesummen ass e staark!!!
Entrevue matt Déi Lénk
01.06.2022
Mir haten den 01.06.2022 eng Entrevue mat Déi Lénk an haten en intressanten a ganz konstruktiven Austausch iwwert de Stellewäert vum Handwierk an der Gesellschaft, wéi och Kompetenze vum Meeschter
Entrevue matt der CSV
30.05.2022
Mir haten den 30.05.2022 en ganz agreabelt Gespréich mat der CSV-Partei an si fannen eis Iddien an eise Wee gutt. Et war en ganzt konstruktiivt Gespréich
Entrevue matt der Fédération des Artisans an Jonk Handwierk
25.05.2022
Mir haten eng Entrevue mat der Fédération des Artisans a Jonk Handwierk an si gesinn dat genau esou wéi mir datt lo muss eng Ännerung fir Handwierk kommen, éier et ze spéit ass
Reportage RTL Magazin
18.05.2022
Den 18.05.2022 war en intressante Reportage iwwert en jonken Här ze gesinn, wéi dësen an de Beruff komm ass, zousätzlech gesäit ee wéi AMELUX dozou äussert.
Entrevue Piratenpartei Lëtzebuerg
16.05.2022
Mir haten eng Entrevue mat der Piratepartei an hunn hinnen eis Doleancen a Punkto Devalorisatioun vum Meeschter an Handwierk erkläert. Si waren der selwechter Meenung datt Handwierk net de Stellewäert an der Gesellschaft huet wéi et soll
Entrevue Ministère de la Fonction publique
12.05.2022
Mir haten eng Entrevue mam Minister Hansen a Punkto Valorisatioun vum Meeschter an Incohérence beim Rekrutement. De Minister huet betount datt hie bis Enn 2022 en Accord mat der CGFP huet an sech duerno Gedanken iwwer eng Valorisatioun géif maachen. An der Saach Incohérence beim Rekrutement via «Gov-Jobs», sot de Minister datt hie kenn Iwwerbléck iwwer d’ Ausschreiwungen hätt an och keng eng Responsabilitéit hätt, well de Ministère vun der Fonction publique géif déi Posten net ausschreiwen, mee déi verschidde Ministèrë selwer. De Minister wollt natierlech och keng Ausso maachen zu de falsche Rekrutementer
Entrevue Ministère des Classes moyennes an Ministère du Tourisme
05.05.2022
Mir haten eng Entrevue mam Minister Delles wou mir him eise point de vue erläutert hunn, datt den eenzege Wee fir d'Handwierk nees attraktiv ze gestalten ass, de Meeschter an den Niveau 6 ze hiewen. Desweideren hunn mer dem Här Minister eis Iddi presentéiert fir dem publique d'Handwierk ze visualiséieren, dat hie ganz positiv gesinn huet.
Politesch a sozial Virgoensweis
27.04.2022
Mir wëllen iech iwwer eis Virgoensweis mat de politeschen, sou wei och soziale Parteien Informéieren, esou dat kee Mëssverständnes vir kënnt. Folgendes mir wäerten all Partei de Sujet erklären an och hier Astellung dozou froen! Firwat maache mer dat, ma da kann duerno kee soen en hätt et net gewosst.
Interview Radio 100,7
23.04.2022
Den 23.04.2022 hat eise Vize-President en Interview am Radio 100,7. Den Interview kenn der Iech ulauschteren iwwert de Link
Entrevue Ministère de l'éducation nationale, de l'Enfance et de la Jeunesse
19.04.2022
De Resumé kenn Dir an eisem Communiqué noliesen
Artikel Luxemburger Wort
14.04.2022
Am Artikel kann een noliese wéi mir mir Situatioun vum Handwierk a Meeschter gesinn
Entrevue mam Alternativ Demokratesch Reformpartei (ADR)
11.04.2022
Mir haten den 11.04.2022 en interessanten Austausch iwwer eis Ideen dir d'Handwierk an de Meeschter ze valoriséieren. Och ass d'Idee den héchsten Diplome aus dem Handwierk op den Niveau 6 ze setze fir gutt gehale gi
Entrevue matt der Chambre des Métiers
22.03.2022
Mir haten den 22.3.2022 en konstruktiven Austausch mat der Chambre des Métiers a Punkto Brevet de Maîtrise a wäerten zesummen d'Handwierk an de Brevet de Maîtrise valoriséieren
Entrevue zweschen der AMELUX an der AAT
24.02.2022
Mir haten den 24.2.2022 d’Association des Agents Technique de l’Etat op Besuch.
Et war en Austausch, iwwer de Meeschterbréif an d’Handwierk, dee ganz konstruktiv war.
Mir hunn déi verschidde Problematiken diskutéiert.
Et ass nach eng weider Entrevue virgesinn.
Communiqué de presse RTL
20.02.2022
RTL
Background am Gespréich mam Minister Marc Hansen
19.02.2022
Den Minister Hansen war um RTL am Background am Gespréich an ass do op d’AMELUX ugeschwat gi. Ab der Minutt 44:40 geet et mat der Fonction publique lass.
Communiqué de presse Eldoradio
18.02.2022
Eldo Radio
Mir si fir e staarkt Handwierk
Dofir d'Opwäertung vun den Diplomer aus dem Handwierk: Engagement und Service mit nachweislicher Wirkung
9. August 2025
Dies ist dein Nachrichtenartikel. Es ist ein toller Ort, um die neueste Berichterstattung über dein Unternehmen hervorzuheben. Ergänze den Artikel um eine kurze Zusammenfassung, füge Links hinzu und verwende ein tolles Foto oder Video, um den Beitrag interessanter zu machen!